鮑汁炆鮑魚扒生菜 (電子壓力煲) Braised Abalone in
材料 :
1.急凍連殼鮑魚 12隻
2 薑片 2片
3 青蔥 適量
鮑汁材料 :
1. 罐頭雞湯 300 ml
2. 清水 300 ml
3. 蠔油 2湯匙
4. 鮑魚汁 5湯匙
5. 老抽 1湯匙
6. 紹興酒 1湯匙
7. 冰糖 20g
獻汁 :
1. 粟/ 生粉 1茶匙
2. 清水 1 湯匙
做法 :
1. 將鮑魚用水喉水沖洗，大火煲滾水後熄火，加入
鮑魚蓋上蓋，移離爐火焗30秒，立即隔去水份
盛起降溫。備用。
*鮑魚汆水後便可以輕易起肉。
2. 將做法(1) 用大湯匙撬起鮑魚肉，去除鮑魚內藏及
咀，再用水沖洗，並用乾淨新牙刷刷洗擦乾淨鮑魚
，反轉鮑魚底部，用刀鎅十字， 瀝乾及用paper
towel印乾水份。備用。
3. 將薑片及青蔥放入煲內，大火煲滾水後熄火，加入
做法(2)蓋上蓋，移離爐火焗1-2分鐘，立即隔去水
份盛起。備用。
4. 將炆鮑魚的汁材料拌勻後預先煮滾，將做法(3)鮑魚
放入，Instant Pot壓力煲插入電源，加入預先煮滾
鮑魚汁蓋上Instant Pot煲蓋，在蓋上左邊轉向
密封Sealing ，然後按炆 Stew制按上所需要時間
，High Pressure 15分鐘。此時壓力煲要預熱，
所須時間便會出現ON字，直至預熱好(大約需
要5 -10 分鐘，視乎煲內容量多少 )，便會出現倒
數時間。此時在蓋上右邊活塞便會自然升起，表示
壓力煲開始操作。
5. 過了15分鐘後，完成操作後，壓力煲會發出聲響，
此時只要按取消Cannel制，不需要用筷子在煲蓋上
左邊轉向放氣 Venting ，等待壓力煲自然放氣，待
活塞自然下降後(大約需要5-10分鐘，視乎煲內容
量多少 )，便可打開壓力煲蓋，取出鮑汁及鮑魚，放
入玻璃器皿內，放雪櫃雪一晚。便可。
* 做法(5) ，可預早一日做放雪櫃雪一晚，又可即日
做即食。
6. 將生菜洗淨，煲滾水後加油及鹽放入西生菜，熄火焗
5分鐘，撈起盛乾水份後，放在碟內，備用。
7. 從雪櫃取做法(5)放室溫，將鮑魚盛起，鮑魚汁用普
通煲內煲滾後，加入獻汁(粟粉+水拌勻)加入鮑魚汁
內拌勻埋獻，放回鮑魚以小火煮2分鐘後上碟，鋪
在做法(6)已煲好生菜面上，便可。
* 電子壓力煲各有不同，操作也會不同，有需要自己
調整。
* 因應鮑魚大小各有不同，操作間也會不同，有需要
自己調整。
沒有留言:
張貼留言